काठमाडौं — जारी टी–२० विश्वकपअन्तर्गत आज तीन खेल हुँदैछन्।
आजको पहिलो खेल समूह ‘बी’ अन्तर्गत अष्ट्रेलिया र जिम्बाबेबीच हुँदैछ। श्रीलंकाको कोलम्बोमा हुने उक्त खेल नेपाली समयअनुसार बिहान ११:१५ बजेदेखि सुरु हुनेछ। जारी विश्वकपमा अष्ट्रेलिया र जिम्बाबे दुवैले आफ्नो पहिलो खेल जितेका छन्। सुपर आठको दौडमा दुवै टोलीका लागि आजको खेल महत्वपूर्ण मानिएको छ।
त्यस्तै दोस्रो खेल समूह ‘डी’ अन्तर्गत क्यानडा र युएईबीच हुनेछ। भारतको दिल्लीमा हुने यो खेल नेपाली समयअनुसार दिउँसो ३:१५ बजेदेखि सुरु हुनेछ। जारी प्रतियोगितामा युएई र क्यानडा दुवैले आफ्नो पहिलो खेलमा हार बेहोरेका छन्।
यसैगरी तेस्रो खेल समूह ‘ए’ अन्तर्गत नेदरल्याण्ड्स र अमेरिकाबीच हुनेछ। भारतको चेन्नईमा हुने खेल नेपाली समयअनुसार साँझ ७:१५ बजेदेखि सुरु हुनेछ। हालसम्म नेदरल्याण्ड्सले दुई खेलबाट २ अंक जोडेको छ भने अमेरिकाले दुवै खेलमा हार बेहोरेको छ।
