काठमाडौं । पूर्वप्रधानमन्त्री तथा प्रगतिशील लोकतान्त्रिक पार्टी (प्रलोपा) का संरक्षक डा. बाबुराम भट्टराईका बुवा भोजप्रसाद भट्टराईको पशुपतिमा अन्त्येष्टि गरिएको छ।
९७ वर्षीय भोजप्रसाद भट्टराईको आज बिहान निधन भएको थियो। उनको पशुपतिस्थित विद्युतीय शवदाह गृहमा अन्त्येष्टि गरिएको हो।
केही दिनदेखि स्वास्थ्यमा जटिल समस्या देखिएपछि बाँसबारीस्थित न्युरो हस्पिटलमा उपचाररत रहेका भट्टराईको उपचारकै क्रममा निधन भएको पारिवारिक स्रोतले जनाएको छ।
अन्त्येष्टि कार्यक्रममा प्रगतिशील लोकतान्त्रिक पार्टीका नेता–कार्यकर्ताहरूको उपस्थिति रहेको थियो। अन्य राजनीतिक दलका शीर्ष तहका नेताहरू भने अन्त्येष्टिमा सहभागी भएका थिएनन्।
