काठमाडौं। पूर्वमन्त्री जितेन्द्र देवले नेकपा एमाले परित्याग गरेका छन्। उनले आज एक विज्ञप्ति जारी गर्दै पार्टी छाडेको जानकारी दिएका हुन्।
तत्कालीन नेकपा मानन्धर समूहबाट राजनीति सुरु गरेका देव नेकपा एमालेको केन्द्रीय सदस्य तथा नागरिकता जाँचबुझ आयोगको अध्यक्ष जस्ता जिम्मेवारीमा रहेका थिए। तर एमाले प्रवेश गरेको एक वर्ष नपुग्दै उनले पार्टी परित्याग गरेका हुन्।
पार्टी छाड्नुको कारण स्पष्ट गर्दै देवले एमालेभित्र व्यक्तिवाद हाबी भएको आरोप लगाएका छन्। उनले आफ्नो ४० वर्ष लामो राजनीतिक यात्रामा नेकपा मानन्धर, नेकपा एमाले, नेकपा माले, मधेशी जनअधिकार फोरम, लोकतान्त्रिक फोरम र नेपाली कांग्रेसजस्ता विभिन्न राजनीतिक दलमा संलग्न भएको उल्लेख गरेका छन्।
