एजेन्सी – एशिया कप २०२५ को सुपर–४ मा भारतले पाकिस्तानविरुद्ध उल्लेखनीय जित दर्ता गरेको छ। यस खेलमा युवा ब्याट्सम्यान तिलक वरमा को निर्भीक प्रदर्शन मुख्य आकर्षण बनेको छ।
भारतीय क्रिकेटका पूर्व कप्तान तथा दिग्गज सुनिल गावस्करले तिलक वरमाको खेलको प्रशंसा गर्दै भने, “तिलकले पाकिस्तानका प्रमुख बलर शाहीन शाह अफ्रिदीलाई यति सहज ढंगले खेले, जस्तो अभ्यास नेटमा कुनै स्पिनरलाई खेलिएको होस्।वरमाले चौथो नम्बरमा ब्याटिङ गर्दै शुरुवाती सतर्कता देखाए, तर पछि आक्रामक ब्याटिङ गरे। विशेषगरी १९औं ओभरमा उनले जबरजस्त प्रहार गर्दै अफ्रिदीलाई दबाबमा पारे। ओपनर अभिषेक शर्मा र शुबमन गिलको साझेदारीले पनि भारतलाई ठोस सुरुवात दिलाएको थियो।
शाहीन शाह अफ्रिदीबारे चर्चा बढी भएको छ। पाकिस्तानका स्टार फास्ट बलर अफ्रिदीले लगातार दोस्रो पटक भारतविरुद्ध विकेट लिन नसकेपछि आलोचना बढेको छ। गावस्करको भनाइमा, अफ्रिदीले भारतविरुद्ध आफ्नो ‘भयावह छवि’ गुमाइरहेका छन्, जसको फाइदा भारतीय ब्याट्सम्यानहरूले सजिलै उठाइरहेका छन्।
विश्लेषकहरूको भनाइमा, यो जितले भारतलाई मात्र बलियो बनाएको छैन, भविष्यमा तिलक वरमा जस्ता युवा खेलाडीहरू टोलीका नयाँ आधारस्तम्भ बन्न सक्ने संकेत पनि देखाएको छ।
