यो साता नेपालको शेयर बजारले अघिल्लो वर्ष बनाएको ३००० बिन्दु पार गरेर करेक्सनको बाटो समातेको छ । साउन ११ देखि १५ सम्म शेयर बजारले ३००० हजार बिन्दु पार गरे पनि साताको अन्त्यमा करेक्सन आएको हो । साताका पूरै पाँच दिन शेयर कारोबार हुँदा तीन दिन बजार घट्यो भने दुई दिन बढ्यो । पाँच दिन अवधिमा नेपाल स्टक एक्सचेञ्ज (नेप्से) ६० अङ्कले घटेको थियो । नेप्से औसतमा दैनिक १२ अङ्कले घटेको थियो । नेप्से मङ्गलबार ३००२ बिन्दुसम्म पुग्यो । तर अघिल्लो दिनबाटै घट्न थालेको बजार यही बिन्दुमा टिक्न सकेन ।कारोबारका हकमा यो साता नेपालको शेयरबजार सन्तोषजनक रह्यो । साताभर करिब एक खर्ब रुपैयाँ बराबरको शेयर कारोबार भयो । साताभर ९६ अर्ब ८९ करोड ७९ लाख रुपैयाँ बराबरको कारोबार हुँदा दैनिक औसतमा १९ अर्ब ३७ करोड ९५ लाख ८० हजार रुपैयाँ बराबरको कारोबार भयो । पाँच कारोबार दिनमा २१ करोड ७८ लाख ७६ हजार ६३८ कित्ता शेयर कारोबार हुँदा दैनिक औसतमा चार करोड ३५ लाख ७५ हजार ३२८ कित्ता शेयर कारोबार भयो । पाचँ दिन अवधिमा आठ लाख ४२ हजार ३२ पटक शेयर किनबेच हुँदा दैनिक औसतमा एक लाख ६८ हजार ४०५ पटक शेयर किनबेच भयो । यो साता औसतमा दैनिक ३२२ वटा कम्पनीको शेयर कारोबार भयो ।
कुन दिन कस्तो थियो बजार ?
साताको पहिलो दिन आइतबार शेयर बजार घटेर बन्द भयो । उक्त दिन नेप्से १८.४४ अङ्कले घटेर २९६४२० बिन्दुमा झरेको थियो । उक्त दिन नेप्से परिसूचक उच्च्तम ३०१३ बिन्दु र न्यूनतम २९५८ बिन्दुसम्म पुगेको थियो । आइतबार दिनभरमा २६ अर्ब ५७ करोड ७४ लाख ३८ हजार रुपैयाँ बराबरको पाँच करोड ८६ लाख ५३ हजार ७६२ कित्ता शेयर दुई लाख तीन हजार ६५८ पटक किनबेच भयो । दिनभर ३२३ वटा कम्पनी कारोबारमा आएको थियो । कारोबारको दोस्रो दिन सोमबार भने बजार पुनः बढ्यो । आइतबारको घटाइलाई लगानीकर्ताले करेक्सनका रूपमा लिँदा सोमबार नेप्से ७.१० अङ्कले बढेको थियो । उक्त दिन नेप्से ०.२३ प्रतिशतले बढेर परिसूचक २९७१.३१ बिन्दुमा पुगेको थियो । सोमबार नेप्से परिसूचक उच्चतम २९७७ बिन्दु र न्यूनतम २९१७ बिन्दुसम्म पुगेको थियो । बजार बढे पनि कारोबार रकममा भने कमी आएको थियो । उक्त दिन १९ अर्ब ३६ करोड आठ लाख ७३ हजार रुपैयाँ बराबरको चार करोड ४१ लाख २४ हजार ९२४ कित्ता शेयर कारोबार भएको थियो । सोमबार कारोबार अवधिभर ३२१ वटा कम्पनी कारोबारमा आउँदा एक लाख ७० हजार ७२६ पटक शेयर किनबेच भयो । बजारको बढ्ने क्रम मङ्गलबार पनि कायम रह्यो । मङ्गलबार नेप्से परिसूचकले ३००० बिन्दु पार गरेको थियो । नेप्से ३०.७६ अङ्कले बढेर परिसूचक ३००२ बिन्दुसम्म पुग्यो । उक्त दिन नेप्से १.०३ प्रतिशतले बढ्दा परिसूचक उच्चतम ३०२८ बिन्दु र न्यूनतम २९७६ बिन्दुबीच रह्यो ।बजारले तीन हजारको बिन्दु पार गर्दा पनि कारोबारमा भने गिरावट आयो । उक्त दिन १८ अर्ब ५२ करोड ९३ लाख २२ हजार रुपैयाँ बराबरको चार लाख १८ लाख आठ हजार ९६६ कित्ता शेयर कारोबार भएको थियो ।
मङ्गलबार ३२१ वटा कम्पनी कारोबारमा आउँदा एक लाख ५७ हजार ५२५ कित्ता शेयर कारोबार भयो ।लगातार दुई दिनको बढाइ तेस्रो दिन भने कायम भएन । पुनः तीन हजारभन्दा माथि पुगेको नेप्से बुधबार घट्न पुग्यो । बुधबार नेप्से एकै दिन ४७.९३ अङ्कले घटेर २९५४ बिन्दुमा आयो । कारोबारको चौथो दिन नेप्से १.५९ प्रतिशतले बजार घट्दा परिसूचक उच्च्तम २०२० बिन्दु र न्यूनतम २९४७ बिन्दु पुगेको थियो । कारोबार रकम पनि घटेर बुधबार १६ अर्ब ४४ करोड १३ लाख ५४ हजार रुपैयाँ कायम भएको थियो । बुधबार दिनभरमा ३१८ वटा कम्पनीको तीन करोड ६४ लाख १७ हजार ७४२ कित्ता शेयर एक लाख ४१ लाख ५२० पटक किनबेच भएको थियो । साताको अन्तिम दिन बिहीबार पनि नेप्सेमा भारी गिरावट आयो । बिहीबार नेप्से ३१.५० अङ्कले घटेर २९२२.६३ बिन्दुमा पुग्यो । उक्त दिन नेप्से १.०६ प्रतिशतले घट्दा परिसूचक उच्चतम २९६७ बिन्दु र न्युनतम २९१५ बिन्दु पुगेको थियो । जसरी बजार घट्दै गयो, कारोबार रकममा पनि त्यसैगरी गिरावट हुँदा उक्त दिन कारोबार १५ अर्ब रुपैयाँमा सीमित भयो । बिहीबार कारोबार घटेर १५ अर्ब ९८ करोड ८९ लाख ११ हजार रुपैयाँ बराबरको तीन करोड ६८ लाख ७१ हजार २४४ कित्ता शेयर कारोबार भएको थियो । बिहीबार दिनभरमा ३१८ वटा कम्पनीको शेयर एक लाख ६८ हजार ५९४ पटक किनबेच भएको थियो ।
