विराटनगर । नेकपा एमालेका अध्यक्ष तथा प्रधानमन्त्री केपी शर्मा ओलीले नेपाली कांग्रेस र नेकपा एमाले दुई पुराना जिम्मेवार दललेको नेतृत्वमा गठन भएको सरकार २०८४ सम्म चल्ने बताएका छन् ।
नेपाली कांग्रेस र नेकपा (एमाले) बीच भएको सम्झौताअनुसार १५ महिनापछि काँग्रेसको सभापति शेरबहादुर देउवाले सरकारको नेतृत्व गर्ने उनले बताए ।
‘नेपाली कांग्रेस र एमालेले देशको समृद्धि र विकासलाई ध्यानमा राखेर स्थिर सरकार र स्थायित्व दिनका लागि यो सरकार गठन भएको छ । अनुभवी दललाई केही साना दलहरूले उचालेर यो सरकार ढल्ने छैन,’ उनले भने ।
सरकार ढाल्न केही दल थाकिसकेकाले अब सरकार ढाल्ने खेल्बाट समेत बाहिरिसकेको दलले बीच–बीचमा जनतालाई भ्रम पार्ने काम गरे पनि यसको कुनै तुक नरहेको ओलीले बताए ।
वर्तमान सरकार शान्ति स्थायित्व र स्थिरताका लागि गठन भएकाले जनताको भावना बुझेर संविधान संशोधन गर्नसमेत तयार रहेको उनले प्रष्ट पारे ।
देशमा राजा आउने दिउँसै सपना देखिरहेको राजावादीहरूले चैत १५ गते काठमाडौंमा गरेको तोडफोड आगजानी औषधि कारखाना जलाउने र पत्रकारको हत्या गर्ने घृणित कार्यबाट राजावादीप्रति जनताको घृणा जागिसकेको उनले प्रष्ट पारे ।
