विराटनगर । प्रधानमन्त्री केपी शर्मा ओली सरिक हुने कार्यक्रममा ठुलो सहभागिता देखाउन पेट्रोल बाँडिएको छ ।
नेकपा एमाले पार्टी कार्यालय पर्साले राखेको पार्टी प्रवेश कार्यक्रममा सरिक हुन प्रधानमन्त्री ओली पर्साको सखुवाप्रसौनी गाउँपालिकामा जाँदै छन् ।
कार्यक्रममा गाउँपालिकाका पूर्वमेयर प्रदीप जैसवाललाई पार्टी प्रवेश गराउन ओली आउन लागेको एमाले पार्टी पर्साले जनाएको छ ।
हेलिकप्टरमार्फत ओली कार्यक्रमस्थल पुग्दैछन् ।
उक्त कार्यक्रममा ठुलो सहभागिता देखाउनको लागि गाउँगाउँमा तेलको कुपन बाँडिएको कार्यक्रममा सहभागी हुन लागेको एक एमाले कार्यकर्ताले बताए ।
प्रत्येक पालिकामा यसरी कुपन बाँडिएको छ । सहभागी हुन चाहनेले दुई-दुई लिटर पेट्रोलको कुपन पाएका थिए ।
