विराटनगर । कोशी प्रदेश सरकारका निवर्तमान आन्तरिक मामिला तथा कानुनमन्त्री लिलाबल्लभ अधिकारी विराटनगरबाट पक्राउ परेका छन् ।
मानव तस्करीको आरोप लागेका अधिकारीलाई आइतबार अदालतबाट अनुमति लिएपछि पक्राउ परेका हुन् ।
उनलाई विराटनगरको मुनालपथस्थित डेराबाट पक्राउ गरी दिउँसो विमानमार्फत काठमाडौं लगिँदै छ ।
गृहमन्त्रालय स्रोतका अनुसार उनलाई अहिले केहीबेरमा जहाजबाट काठमाडौं लगिँदै छ ।
मानव तस्कर गिरोहसँग मिलेमतो खुलिसक्दा पनि अधिकारीमाथि अनुसन्धान सुरू नभएको भन्दै गृह प्रशासनको आलोचना भइरहेको थियो ।
पूर्वमन्त्री अधिकारीलाई मानव तस्करीको आरोप लागेको छ ।
मन्त्रिपरिषदबाट भ्रमण स्वीकृत नगराई उनी जापान गएका थिए ।
उनीसँगै अन्य ३ जना व्यक्ति पनि जापान गएका थिए ।
तर जापानको अध्यागमनले उनलाई विमानस्थलबाट फर्काइदिएको थियो ।
