विराटनगर । प्रधानमन्त्री केपी शर्मा ओली नेतृत्वको मौजुदा मन्त्रिपरिषद्को वरीयताक्रम हेरेफेर भएको छ ।
प्रधानमन्त्री ओलीको सिफारिसमा राष्ट्रपति पौडेलले गत असार ३१ गते गठन भएको मन्त्रिपरिषद्को मर्यादाक्रम बिहीबार हेरफेर गरेका हुन् ।
हेरफेर भएको वरीयाताक्रम अनुसार स्वास्थ्य तथा जनसंख्या मन्त्री रहेका प्रदीप पौडेल घटुवा भएका छन् भने पर्यटनमन्त्री बद्री पाण्डेको बढुवा भएको छ ।
यसअघि १६ औँ नम्बरमा रहेका पर्यटनमन्त्री पाण्डेको वरीयता १४ नम्बरमा उक्लेको छ भने १४ नम्बरमा रहेका स्वास्थ्यमन्त्री प्रदीप पौडेल दुई वरीयता घटुवा हुँदा १६औं नम्बरको पुगेका छन् ।
पार्टीको वरीयताक्रममा पाण्डे माथि रहेकाले उनको बढुवा गरिएको बुझिएको छ ।
कांग्रेसको केन्द्रीय सदस्य भए पनि परराष्ट्रमन्त्री डा. आरजु राणा भने सहमहामन्त्री पाण्डेभन्दा मन्त्रिपरिषद्मा माथिल्लो वरीयतामा छिन् । परराष्ट्रमन्त्री राणा मन्त्रिपरिषद् वरीयताको सातौँ स्थानमा रहेकी छन् ।
