विराटनगर । प्रथम सहाना प्रधान स्मृति महिला तथा पुरुष भलिबल च्याम्पियनसिपमा कोशी प्रदेशले विजयी सुरुआत गरेको छ ।
सोमबार त्रिपुरेश्वरस्थित राष्ट्रिय खेलकुद परिषद् (राखेप) को कबर्ड हलमा सम्पन्न दिनको महिलातर्फ पहिलो खेलमा कर्णाली प्रदेशमाथि कोशीले ३-० को सेटमा जित हासिल गरेको हो ।
निकै प्रतिस्पर्धात्मक बनेको पहिलो सेटमा कोशीले २०-२५ ले आफ्नो पक्ष्यमा पर्न सफल भयो ।
दोस्रो सेट १८-२५ र तेस्रो १९-२५ ले जित्दै निकाल्दै प्रतियोगितामा विजयी सुरुआत गरेको छ । सात प्रदेश सहभागी रहेको यस प्रतियोगितामा पुरुष र महिला गरी कुल १४ वटा टिमको सहभागिता रहेका छन् ।
