नेपाल सरकारले सन् २०२२ मा ५ लाख पर्यटक भित्र्याउने लक्ष्य राखेको छ ।
वसन्तकालीन पर्यटकीय सिजनलाई लक्षित गर्दै सो लक्ष्य राखिएकाे हो ।
कोभिड महामारीका कारण ठप्प बनेकाे नेपालकाे पर्यटन क्षेत्रलाई चलायमान बनाउन नेपाल सरकारले साथ दिने र पर्यटनलाई उच्च प्राथमिकतामा राख्ने संस्कृति, पर्यटन तथा नागरिक उड्डयनमन्त्री प्रेमबहादुर आलेले बताएका छन् ।
त्यसका लागि सरकारले राष्ट्रिय स्तरको पर्यटन पुनरुत्थान समिति समेत गठन गरेको छ ।
तेस्रो लहर सकिए लगत्तै सुरु हुने सन् २०२२ काे पर्यटकीय सिजनमा पाँच लाख पर्यटक भित्र्याउने लक्ष्य समितिले राखेकाे छ ।
त्यस्तै, सन् २०२३ मा दश लाख पर्यटक नेपाल भित्र्याउने लक्ष्य राष्ट्रिय स्तरको पर्यटन पुनरुत्थान समितिले लिएकाे छ ।
गत वर्ष नेपालमा मात्र डेढ लाख पर्यटक आएका थिए जुन तीन दशकयताकै सबैभन्दा न्यून पर्यटककाे सङ्ख्या हाे ।
समितिले आयाेजना गरेकाे पहिलाे बैठकमा बाेल्दै मन्त्री आलेले काेराेनाका कारण सङ्कटमा परेकाे पर्यटन उद्याेगलाई पुनः पहिलेकै अवस्थामा फर्काउन सरकारले सक्ने सबै सहयाेग गर्ने बताए ।
छलफलमा सहभागी निजी क्षेत्रका प्रतिनिधले भने समस्यामा परेका पर्यटन व्यवसायी लक्षित राहत उपलब्ध गराउन सरकारकाे ध्यानकर्षण गराएका छन् ।
