फोन पे सर्भिस लिमिटेडको नेटवर्क मार्फत पुस महिनामा मात्र ५१ अर्ब बढीको कारोबार भएको छ ।
कम्पनीका अनुसार याे रकम कुल ४४ लाख कारोबार सङ्ख्याबाट भएकाे हाे ।
वर्तमान समयमा विद्युतीय कारोबार गर्नेहरुको सङ्ख्या बढिरहेको अवस्थामा फोन पे नेटवर्कले नयाँ रेकर्ड राख्न सफल भएको छ ।
क्यूआर कोड भुक्तानी, अन्तरबैङ्क रकम ट्रान्स्फर, विभिन्न किसिमका अनलाइन मर्चेन्ट भुक्तानी जस्ता विभिन्न कार्यबाट यो रकम बराबरकाे कारोबार भएको हो ।
फाेन पेका मर्चेन्टलाई निःशुल्क क्यूआर दिइन्छ भने ग्राहकले भुक्तानी गर्दा पनि कुनै शुल्क लाग्दैन ।
फोनपे नेटवर्कमा आबद्ध कुनैपनि बैङ्क तथा वित्तीय संस्थाका मोबाइल एपमा रहेको ‘सेन्ड मनी’ अप्सनमा गई फोनपे डाइरेक्ट क्लिक गरी सरल तरिकाले रकम पठाउन सकिन्छ ।
