काठमाडौं । राष्ट्रिय स्वतन्त्र पार्टी (रास्वपा) को आगामी असार ७ गतेदेखि चितवनमा सुरु हुने प्रथम महाधिवेशनमा प्रधानमन्त्री बालेन्द्र शाह सहभागी हुने भएका छन्। शाह रास्वपाका वरिष्ठ नेताका रूपमा महाधिवेशनमा उपस्थित हुने र सोही जिम्मेवारीमा कायम रहने उनको सचिवालयले जनाएको छ।
सचिवालयका अनुसार प्रधानमन्त्री शाह महाधिवेशनको उद्घाटन सत्रमा सहभागी हुन चितवन जाने कार्यक्रम रहेको छ। उद्घाटन सत्रपछि उनी कति समयसम्म महाधिवेशनस्थलमा रहने भन्ने विषय भने अझै टुंगो लागिसकेको छैन। हालको कार्यसूचीअनुसार उद्घाटन समारोहमा सहभागी भएर काठमाडौं फर्किने सम्भावना रहेको बताइएको छ।
महाधिवेशनका क्रममा प्रधानमन्त्री शाहले सम्बोधन गर्ने वा नगर्ने विषयमा अन्तिम निर्णय भइनसके पनि उनले सम्बोधन गर्ने सम्भावना रहेको सचिवालयको भनाइ छ।
चितवनमा असार ७ देखि ९ गतेसम्म सञ्चालन हुने रास्वपाको प्रथम महाधिवेशनमा देशका प्रमुख राजनीतिक दलहरूलाई समेत निमन्त्रणा गरिएको पार्टीले जनाएको छ। महाधिवेशनले पार्टीको आगामी राजनीतिक दिशा, नेतृत्व संरचना तथा संगठनात्मक रणनीतिबारे महत्वपूर्ण निर्णय गर्ने अपेक्षा गरिएको छ।
