विराटनगर । नेपाल क्रिकेट संघले भारत भ्रमणमा जाने नेपाल ‘ए’ टोली घोषणा गरेको छ।
क्यानले भारतको उत्तराखण्डमा आगामी मे २२ देखि जुन २ सम्म सञ्चालन हुने ४२औँ अल इन्डिया गोल्ड कप क्रिकेट प्रतियोगिताका लागि टोली घोषणा गरेको हो।
प्रतियोगिताका लागि अनिल साहको कप्तानीमा मयन यादव, तृतराज दास, देव खनाल, राशिद खान, बसिर अहमद, नारायण जोशी, आकाश चन्द, हेमन्त धामी, पवन सराफ, दीपक डुम्रे, युवराज खत्री, विपिन खत्री, ललित राजवंशी र अर्जुन कुमाल टोलीमा चयन भएका छन्।
त्यस्तै, जुन ६, २०२६ देखि सुरु हुने इयु टी–२० बेल्जियम प्रतियोगिताका लागि नेपाली राष्ट्रिय टोलीका खेलाडी गुलशन झा र ईशान पाण्डे जेभी बर्ग टोलीबाट खेल्ने भएका छन्।
