प्रधानमन्त्री बालेन्द्र शाहका राजनीतिक सल्लाहकारसमेत रहेका शाहले आइतबार बिहान सामाजिक सञ्जाल फेसबुकमार्फत यस्तो धारणा सार्वजनिक गरेका हुन् ।
कवितात्मक शैलीमा उनले कुनै स्वार्थको राजनीति वा झुटो अभियान नभई सरकार जनताको भरोसामा अघि बढिरहेको बताएका छन् । साथै देश निर्माणको लक्ष्यसहित काम भइरहेको र नेपालभन्दा माथि कुनै सम्मान नरहेको उल्लेख गरेका छन् ।
प्रधानमन्त्रीको राजनीतिक सल्लाहकारको जिम्मेवारी सम्हालेपछि सरकारको कामकारबाहीप्रति नागरिकको विश्वास कायम राख्ने प्रयास भइरहेको संकेतसमेत उनले गरेका छन् । पछिल्लो समय राजनीतिक दल र नेताहरूप्रति जनआक्रोश बढिरहेका बेला शाहको भनाइलाई अर्थपूर्ण रूपमा हेरिएको छ ।
उनले फेसबुकमा लेखेका छन् :
“न स्वार्थको राजनीति, न झुटो अभियान,
जनताको भरोसा नै हो हाम्रो पहिचान ।
देश बनाउने सपनामा जुटेका छौं हामी,
नेपालभन्दा माथि छैन कुनै सम्मान ।”
