स्थानीय तह र प्रदेशसभाको निर्वाचन एकै मितिमा गर्न प्रस्ताव

काठमाडौं ।निर्वाचन आयोगले २०८४ सालमा हुने स्थानीय तह र प्रदेशसभाको निर्वाचन एकै मितिमा सम्पन्न गर्न राजनीतिक दलहरूलाई प्रस्ताव गरेको छ । स्थानीय तह र प्रदेशसभाको निर्वाचन एकै मितिमा गर्न सके राज्यको करिब ४ अर्ब रुपैयाँभन्दा धेरै रकम बचत हुने भन्दै आयोगले यस्तो प्रस्ताव राखेको हो ।

२०८४ वैशाख ३० गते स्थानीय तह र सोही वर्ष मङ्सिर ४ गते प्रदेशसभाको पदावधि समाप्त हुन्छ । नेपालमा प्रदेश सभा र प्रतिनिधिसभाको निर्वाचन एउटै मितिमा हुन्थ्यो । तर अकस्मात प्रतिनिधिसभाको निर्वाचन सम्पन्न भएपछि आगामी वर्ष दुवै तहको निर्वाचन एकैपटक गर्न सकियो भने राज्यलाई करिब ४ अर्ब रुपैयाँ बचत हुने र छुट्टाछुट्टै गर्दा त्योभन्दा बढी खर्च हुने आयोगको निष्कर्ष छ ।