काठमाडौं । राष्ट्रिय स्वतन्त्र पार्टी (रास्वपा) ले मन्त्री र सांसदहरूका लागि लेबी तोकेको छ।
बिहीबार सिंहदरबारमा बसेको संसदीय दलको बैठकले उक्त प्रस्ताव पारित गरेको मुख्य सचेतक कबिन्द्र बुर्लाकोटी ले जानकारी दिए।
उनका अनुसार सांसदहरूका लागि मासिक १६ हजार ५ सय रुपैयाँ र मन्त्रीहरूका लागि १८ हजार रुपैयाँ लेबी तोकिएको छ।त्यस्तै, स्वकीय (व्यक्तिगत सहयोगी) हरूका लागि पनि २ हजार रुपैयाँ लेबी तोक्ने प्रस्ताव पारित गरिएको छ। हालका लागि यो व्यवस्था मन्त्रीका स्वकीय सचिवमा लागू हुनेछ।
सांसदहरूले पनि स्वकीय राख्न पाउने व्यवस्था लागू भएमा उनीहरूका स्वकीयहरूका लागि समेत यही लेबी व्यवस्था लागू हुने बताइएको छ।
