काठमाडौं – जेन–जी आन्दोलनमा भएको हताहतीसम्बन्धी प्रकरणमा पक्राउ परेका केपी शर्मा ओली र पूर्वगृहमन्त्री रमेश लेखक सम्बन्धी बन्दी प्रत्यक्षीकरण रिट सर्वोच्च अदालत ले खारेज गरेको छ।
न्यायाधीश विनोद शर्मा र सुनीलकुमार पोखरेलको संयुक्त इजलासले ओली पत्नी राधिका शाक्य र लेखक पत्नी यशोदाले दायर गरेको रिट खारेज गरेको हो।
रिट खारेजसँगै अदालतले सरकारका नाममा परमादेश जारी गर्दै पछिल्लो पटक थपिएको ५ दिनको म्याद सकिएपछि दुवैलाई हिरासतमुक्त गर्न आदेश दिएको छ।
यसअघि जिल्ला अदालत काठमाडौं ले २१ चैतदेखि लागू हुनेगरी तेस्रोपटक ५ दिनका लागि म्याद थप गरेको थियो।
अब उक्त म्याद सकिएसँगै केपी शर्मा ओली र रमेश लेखक दुवै आगामी चैत २६ गते रिहा हुने भएका छन्।
