काठमाडौं – नेकपा एमालेले पार्टी अध्यक्ष केपी शर्मा ओली पक्राउको विरोधमा देशव्यापी प्रदर्शन गर्ने घोषणा गरेको छ।
मंगलबार बसेको केन्द्रीय सचिवालय बैठकले चरणबद्ध रूपमा देशभर आन्दोलनका कार्यक्रम तय गरेको हो। महासचिव शंकर पोखरेलका अनुसार चैत २४ गतेदेखि विभिन्न कमिटीमार्फत प्रदर्शन सुरु गरिनेछ।
कार्यक्रमअनुसार चैत २४ गते सबै जिल्ला कमिटीले वृहत कार्यकर्ता भेला आयोजना गर्नेछन्। त्यसपछि पालिका, वडा, प्रदेश हुँदै आन्दोलनलाई विस्तार गरिनेछ।
एमालेले वैशाख ३ गते वडा तहमा भेला, ७ गते प्रदेश राजधानीहरूमा प्रदर्शन र वैशाख १२ गते काठमाडौंमा केन्द्रीय विरोध सभा आयोजना गर्ने कार्यक्रम तय गरेको जनाएको छ।
ओलीको पक्राउविरुद्ध दबाब सिर्जना गर्न पार्टीले देशव्यापी रूपमा आन्दोलनलाई तीव्र बनाउने रणनीति अघि सारेको बताइएको छ।
