काठमाडौं – राष्ट्रिय स्वतन्त्र पार्टी (रास्वपा)का सांसद तथा जेनजी आन्दोलनका अगुवा सुधन गुरुङ गृहमन्त्री बन्ने भएका छन्।
रास्वपाले बालेन्द्र शाह नेतृत्वको सरकारमा गुरुङलाई गृहमन्त्रीको जिम्मेवारीमा पठाउने निर्णय गरेको हो। यसअघि राष्ट्रपति रामचन्द्र पौडेलले रास्वपा संसदीय दलका नेता बालेन्द्र शाहलाई प्रधानमन्त्रीमा नियुक्त गरिसकेका छन्।
नेपालको संविधानको धारा ७६ को उपधारा (१) अनुसार प्रतिनिधिसभामा बहुमत प्राप्त दलका नेताको हैसियतमा शाह प्रधानमन्त्रीमा नियुक्त भएका हुन्।
उनको नेतृत्वमा गठन हुने मन्त्रिपरिषद्मा गुरुङलाई महत्वपूर्ण मानिने गृहमन्त्रालयको जिम्मेवारी दिइन लागेको हो।
