नेपाली कांग्रेसले पार्टीभित्र घात-अन्तर्घातका कारण हालै सम्पन्न निर्वाचनमा लज्जास्पद पराजय बेहोर्नुपरेको प्रारम्भिक निचोड निकालेको छ । अघिल्लो निर्वाचनमा पहिलो दल बने पनि फागुन २१ गते भएको संसदीय चुनावमा दोस्रोमा खुम्चिनु पार्टीको आन्तरिक कारण नै रहेको निष्कर्ष निकालेको हो ।
घात-अन्तर्घातका कारण हारिएका क्षेत्र २१ सीट रहेको कांग्रेसको ठहर छ । अन्तर्घातसँगै चुनावी क्याम्पियन चलाउने प्रक्रियामा त्रुटि भएको ठहर कांग्रेसको छ । त्यसबाहेक कतिपय क्षेत्रमा भने जनताको विश्वासमै प्रश्न उठेको हो कि भन्ने कांग्रेस अनुमान गरेको छ । कांग्रेसले प्रत्यक्षतर्फ १८ क्षेत्रमा जित निकालेको थियो भने समानुपातिकमा १७ लाख भोट पाएको थियो ।
