काठमाडौं । नवनिर्वाचित प्रतिनिधिसभा सदस्यहरूले आफ्नो मातृभाषामा शपथ लिन पाउने व्यवस्था छ। त्यसका लागि शपथ लिनु ३ दिनअघि संसद् सचिवालयलाई जानकारी दिनुपर्ने प्रावधान राखिएको छ।
शपथ कार्यक्रम चैत १२ मा हुनेछ भने जेष्ठ सदस्यले चैत ११ गते राष्ट्रपतिसँग शपथ लिन्छन् र त्यसपछि बाँकी सदस्यहरूलाई शपथ गराइनेछ।
शपथसम्बन्धी ऐन अनुसार सांसदहरूले औपचारिक पोशाकमा उपस्थित हुनुपर्नेछ। यसमा आफ्नो संस्कृति, परम्परा वा पहिचान झल्किने भेषभूषा लगाउन सकिने प्रावधान छ।
मातृभाषामा शपथ लिन चाहने सांसदहरूले अनुवादित शपथ प्रमाणित गरेर पदाधिकारी समक्ष पेश गर्नु पर्नेछ। नेपाली वा मातृभाषामा शपथ लिँदा दुई-दुई प्रतिलिपि पेश गर्नुपर्ने व्यवस्था पनि छ।
