विराटनगर । नेपाली कांग्रेसका नेता सुनील शर्मा हालै सम्पन्न निर्वाचनमा सबैभन्दा धेरै चुनावी खर्च गर्ने उम्मेदवार बनेका छन् । मोरङमा प्रतिनिधिसभा सदस्य निर्वाचनमा प्रतिस्पर्धा गरेका ६४ जना उम्मेदवारहरूले निर्वाचन आयोगमा आफ्नो चुनावी खर्चको विवरण बुझाउँदा शर्माको सबैभन्दा धेरै २९ लाख ९५ हजार रुपैयाँ खर्च भएको देखिएको छ ।
लगातार तेस्रो पटक संसदीय चुनाव लडेका शर्मा यसपालि रास्वपाका गणेश कार्कीसँग भारी मतले पराजित भएका थिए । जबकि मोरङ ३ बाट निर्वाचित हुँदै पहिलोपटक सांसद बनेका कार्कीले ८ लाख पाँच हजार रुपैयाँमात्र खर्च गरेका थिए ।
