काठमाडौं – नेपाली कांग्रेसका राष्ट्रिय सभा सदस्य जितजंग बस्नेतले पार्टी सभापति गगनकुमार थापाको राजीनामा माग गरेका छन्।
बुधबार सिंहदरबारमा बसेको पार्टीका राष्ट्रिय सभाका बहालवाला तथा नयाँ सांसदहरूबीचको परिचयात्मक अन्तरक्रिया कार्यक्रमपछि सञ्चारकर्मीसँग प्रतिक्रिया दिँदै उनले यस्तो माग गरेका हुन्।
बस्नेतले विशेष महाधिवेशनका कारण पार्टीले निर्वाचनमा लज्जास्पद हार व्यहोर्नुपरेको दाबी गरे। उनका अनुसार सो महाधिवेशन सेटिङअनुसार गरिएको थियो र त्यसकै कारण पार्टीभित्र एकता कमजोर भएको हो।
उनले भने, “विशेष महाधिवेशनबाट सेटिङअनुसार पार्टी कब्जा गरिएको हो। यही कारणले आज हामी चुनावमा हारेका छौँ।”
बस्नेतले पार्टीलाई पुनः बलियो बनाउन नेतृत्वले जिम्मेवारी लिनुपर्ने भन्दै सभापति थापाले राजीनामा दिने विश्वास व्यक्त गरेका छन्।
