काठमाडौं — सर्वोच्च अदालतले रवि लामिछानेको मुद्दा फिर्ता लिने निर्णयविरुद्ध परेको रिट निवेदनमाथि आगामी आइतबारदेखि सुनुवाइ थाल्न आदेश दिएको छ।
न्यायाधीश सपना प्रधान मल्ल र श्रीकान्त पौडेलको इजलासले उक्त निवेदनलाई नियमित सुनुवाइका लागि पेश गर्न आदेश दिएको हो। सुनुवाइ सुरु भएको दुई–तीन दिनभित्र अदालतले आदेश सुनाउने अपेक्षा गरिएको छ।
यसअघि सविना भण्डारी बरालले लामिछानेविरुद्ध दायर आरोपपत्र संशोधन गर्दै संगठित अपराध र सम्पत्ति शुद्धीकरण सम्बन्धी अभियोग फिर्ता लिन सरकारी वकिलहरूलाई निर्देशन दिएकी थिइन्।
उक्त निर्णयविरुद्ध सर्वोच्च अदालतमा तीन छुट्टाछुट्टै रिट निवेदन दर्ता भएका थिए। रिट वरिष्ठ अधिवक्ता दिनेश त्रिपाठी, अधिवक्ता आभास रेग्मी सहित तीन जना र युवराज पौडेल ले दर्ता गरेका हुन्।
