दाङ क्षेत्र नं. २ बाट राष्ट्रिय स्वतन्त्र पार्टी (रास्वपा)का तर्फबाट निर्वाचित प्रतिनिधिसभा सदस्य विपिनकुमार आचार्य ले आफ्नो चुनावी खर्चको विवरण निर्वाचन आयोग मा बुझाएका छन्।
मंगलबार आयोगमा बुझाइएको विवरण अनुसार आचार्यले निर्वाचनका क्रममा १६ लाख २९ हजार ५६२ रुपैयाँ खर्च गरेको उल्लेख गरेका छन्।
आचार्य रास्वपाका सहमहामन्त्री समेत हुन्। उनले दाङ–२ मा शंकर पोखरेल लगायतका प्रतिस्पर्धीलाई पराजित गर्दै प्रतिनिधिसभा सदस्यमा विजय हासिल गरेका थिए।
