काठमाडौं । भारतीय प्रधानमन्त्री नरेन्द्र मोदीले रवि लामिछाने र बालेन शाहलाई फोन गरेर बधाई दिएका छन्।
मोदीले आफ्नो ट्विटर एकाउन्टमार्फत यसबारे जानकारी दिएका हुन्। उनले रवि लामिछाने र बालेन शाहसँग टेलिफोन संवाद भएको उल्लेख गर्दै निर्वाचनमा प्राप्त सफलताका लागि बधाई दिएको बताएका छन्।
उनले दुई देशबीचको साझा समृद्धि, प्रगति र हितका लागि भारतले नेपालसँग सहकार्य गर्दै अघि बढ्ने प्रतिबद्धता पनि व्यक्त गरेका छन्। साथै संयुक्त प्रयासबाट भारत–नेपाल सम्बन्ध अझ नयाँ उचाइमा पुग्ने विश्वास समेत व्यक्त गरेका छन्।
