झापा— राष्ट्रिय स्वतन्त्र पार्टी (रास्वपा)ले आइतबार (फागुन १७) झापाकेन्द्रित चुनावी अभियानअन्तर्गत ‘रोड सो’ सञ्चालन गर्दैछ।
रास्वपाका वरिष्ठ नेता बालेन्द्र शाहको नेतृत्वमा झापाका चारवटा निर्वाचन क्षेत्र १, २, ३ र ४ मा रोड सो आयोजना गरिने भएको हो।
निर्धारित तालिकाअनुसार बालेन बिहान ९ बजे चन्द्रगढी विमानस्थलमा अवतरण गरी काँकडभिट्टातर्फ प्रस्थान गर्नेछन्।
त्यहाँबाट बाहुनडाँगी, बुद्धशान्ति, जयपुर, शनिश्चरे बजार, बिर्तामोड, बिर्ताबजार, गोलधाप, बाह्रदशी, पृथ्वीनगर, शरणामती, झापा गाउँपालिका, सुरुंगा बजार हुँदै दमकसम्म रोड सो कार्यक्रम सञ्चालन गरिने बताइएको छ।
रास्वपाले प्रतिनिधिसभा निर्वाचनलाई लक्षित गर्दै शनिबार काठमाडौं उपत्यकामा समेत रोड सो सम्पन्न गरिसकेको छ।
