मोरङ – मोरङको सुन्दरहरैँचा नगरपालिका–९ चित्रे टोलका ३६ वर्षीय राजनकुमार अधिकारीमाथि शनिबार राति धारिलो हतियार प्रहार भएको छ।
प्रहरीका अनुसार अधिकारी घरमै सुतिरहेका बेला राति करिब १०ः३० बजेतिर आक्रमण भएको हो। प्रारम्भिक जानकारीअनुसार एक अपरिचित व्यक्ति घरभित्र प्रवेश गरी धारिलो हतियार प्रहार गरेर फरार भएको बताइएको छ।
घटनामा संलग्न व्यक्तिको पूर्ण पहिचान भइसकेको छैन भने प्रहरीले अनुसन्धान सुरु गरेको जनाएको छ। घटनापछि अधिकारीकी श्रीमतीलाई नियन्त्रणमा लिएर सोधपुछ थालिएको प्रहरी स्रोतले जनाएको छ।
घटनाको कारण र पृष्ठभूमिबारे थप विवरण आउन बाँकी रहेको छ ।
