इटहरी – राष्ट्रिय स्वतन्त्र पार्टी (रास्वपा) ले मंगलबार सुनसरीको इटहरीमा कोशी प्रादेशिक आमसभा गर्ने भएको छ।
इटहरी उपमहानगरपालिका–१७ मा आयोजना हुने आमसभालाई पार्टी सभापति रवि लामिछाने र वरिष्ठ नेता बालेन्द्र शाहले सम्बोधन गर्ने कार्यक्रम रहेको बताइएको छ।
२१ फागुनमा हुने प्रतिनिधिसभा सदस्य निर्वाचनलाई लक्षित गर्दै रास्वपा यतिबेला देश दौडाहामा छ। यसअघि पार्टीले जनकपुर, धनगढी, सुर्खेत र दाङलगायतका स्थानमा आमसभा सम्पन्न गरिसकेको जनाएको छ।
