काठमाडौं । आगामी फागुन २१ गते हुने प्रतिनिधिसभा सदस्य निर्वाचनलाई लक्षित गर्दै नेपाली कांग्रेसका उपसभापति विश्वप्रकाश शर्मा आज बाँके जिल्लामा हुने कार्यक्रममा सहभागी हुने भएका छन्।
नेपाली कांग्रेस केन्द्रीय कार्यालयका अनुसार उपसभापति शर्मा आज बिहान ११ बजे बाँकेका पार्टीका सबै उम्मेदवारसहित आयोजित जिल्ला स्तरीय वृहत भेलामा सहभागिता जनाउनेछन्।
निर्वाचन तयारीलाई सुदृढ बनाउने उद्देश्यले शर्माले बाँकेसहित बर्दिया, दाङ, रूपन्देही र पाल्पा गरी पाँच जिल्लामा आयोजना हुने विभिन्न कार्यक्रममा सहभागिता जनाउने कार्यतालिका तय भएको छ।
कार्यतालिकाअनुसार उपसभापति शर्मा माघ २८ गते दाङ, माघ २९ गते रूपन्देही तथा फागुन १ गते पाल्पामा हुने जिल्ला स्तरीय वृहत भेलामा सहभागी हुनेछन्।
