टी–२० विश्वकपका औपचारिक खेल सुरु हुनुअघि भएको अभ्यास खेलमा नेपालले क्यानडालाई ६ विकेटले पराजित गरेको छ।
भारतको चेन्नईमा सम्पन्न खेलमा टस जितेर क्यानडाले पहिले ब्याटिङ गर्ने निर्णय गरेको थियो। क्यानडाले निर्धारित ओभरमा ६ विकेटको क्षतिमा १६१ रन बनायो।
क्यानडालाई मध्यम स्कोरमा रोक्ने क्रममा नेपालका सन्दीप लामिछाने र कुशल भुर्तेलले २–२ विकेट लिए भने सोमपाल कामी र नन्दन यादवले १–१ विकेट हात पारे।
१६२ रनको लक्ष्य पछ्याएको नेपालले १८ ओभरमै ४ विकेटको क्षतिमा लक्ष्य पूरा गर्यो। नेपालका लागि आशिफ शेखले सर्वाधिक ५८ रनको उत्कृष्ट इनिङ खेले।
यसअघि भएको अर्को अभ्यास खेलमा नेपालले यूएईलाई ७ विकेटले पराजित गरेको थियो।
