काठमाडौं । निर्वाचन आयोगले समानुपातिक निर्वाचन प्रणालीअन्तर्गत दलहरूले पेश गरेको बन्दसूचीबाट ७६ जना उम्मेदवारको नाम हटाएको छ। आयोगका प्रवक्ता नारायणप्रसाद भट्टराईका अनुसार उम्मेदवारविरुद्ध परेका उजुरी, योग्यता नपुगेको अवस्था तथा राजनीतिक दलबाट प्राप्त विवरणका आधारमा नाम हटाइएको हो।
आयोगका अनुसार कर्जा सूचना केन्द्रको कालो सूचीमा परेका २१ जना, प्रदेश सभाको बन्दसूचीमा नाम कायम भएका २५ जना, जरिवाना नतिरेका १० जना, २५ वर्ष उमेर नपुगेका ४ जना, मतदाता नामावलीमा नाम नभएका १ जना, पिछडिएको क्षेत्रका मतदाता नभएका २ जना, महिलाको कोटामा पुरुष पेश गरिएको १ जना, दलकै अनुरोधमा १० जना र अन्य कारणले २ जनाको नाम हटाइएको हो।
यस सम्बन्धी विस्तृत विवरण आयोगको वेबसाइटमा सार्वजनिक गरिएको प्रवक्ता भट्टराईले जानकारी दिए।
