विराटनगर । उद्योग सङ्गठन मोरङको अध्यक्षमा नन्दकिशोर राठी निर्विरोध निर्वाचित भएका छन् ।
जेठ ३० र ३१ गते आयोजित सङगठनको ५२औं वार्षिक साधारणसभाबाट आगामी दुई वर्षका लागि राठीको अध्यक्षतामा १४ सदस्यीय कार्यसमिति निर्विरोध निर्वाचित भएको हो ।
नवनिर्वाचित कार्यसमितिको वरिष्ठ उपाध्यक्षमा भोलेश्वर दुलाल, उपाध्यक्षमा सुरेन्द्र गोल्छा, विपीन कावरा, सुवोध कोइराला र कोषाध्यक्षमा पारस लुनिया निर्वाचित भएका छन् ।
कार्यसमिति सदस्यमा सौरभ सारडा, वीरेन्द्र राठी, सन्तोष भगत, जयेन्द्र शर्मा, सृजन प्याकुरेल, उकेश अग्रवाल, दीपक अग्रवाल र सिद्धार्थ कावरा निर्विरोध भएका छन् ।
सङ्गठनको विधान अनुरूप नवनिर्वाचित अध्यक्षले एकजना महिलासहित तीन जना कार्यसमिति सदस्य मनोनयन गर्ने प्रावधान अनुसार सदस्यमा प्रतीक राउत, पारस गोल्छा र महिला सदस्यमा किरण ब्यासलाई अध्यक्ष नन्दकिशोर राठीले मनोनयन गरेका छन् ।
नवनिर्वाचित १७ सदस्यीय कार्यसमितिको कार्यकाल दुई वर्षको हुने सङ्गठनले जानकारी दिएको छ ।
