विराटनगर । कोशी प्रदेश खेलकुद विकास बोर्डले प्रदेश कराते महासंघको संयोजकको अन्तर्राष्ट्रिय प्रशिक्षक प्रभाकर रानामगरलाई सुम्पिएको छ ।
बोर्डका सदस्यसचिव कृष्ण बस्नेत ‘पर्शुराम’ले बिहीबार महासंघको तदर्थ समिति गठन गर्दै रानामगरलाई संयोजकको जिम्मेवारी सुम्पिएका हुन् ।
बोर्डको २७औं बैठकले रानामगरको संयोजकत्वमा ११ सदस्यीय समिति गठन भएको बस्नेतले जनाएका छन् । जसअनुसार सुनसरी संयोजकमा अनिश राजधामी, झापामा रेनुका राई,इलाममा कमिककुमार राई र तेह्रथुममा अनिल नेपाललाई सदस्य बनाइएको छ ।
यस्तै,ताप्लेजुङमा रूपा लिम्बू, उदयपुरमा रबिन राई, खोटाङमा मोतिचन्द्र राई, संखुवासभामा दीपक मगर, सोलुखुम्बुमा विप्लव राई र भोजपुरमा सागर राउतलाई सदस्यको जिम्मेवारी सुम्पिइएको छ ।
कराते महासंघ कोशी प्रदेश समितिको आन्तरिक वैधानिक महासंघ गठन गर्न समस्या देखिएको र हालसम्म समिति गठन नभएकोले तदर्थ समिति गठन भएको बस्नेतले जनाएका छन् ।
