विराटनगर। कोशी प्रदेशका मुख्यमन्त्री हिक्मतकुमार कार्कीले पहाडी क्षेत्रको बसाईसराईलाई रोक्ने गरी योजना बनाउनुपर्ने बताएका छन् ।
विराटनगरमा प्रदेश योजना आयोगले बुधबार आयोजना गरेको प्रदेशस्तरीय आयोजना तर्जुमा गोष्ठीलाई सम्बोधन गर्दै मुख्यमन्त्री कार्कीले यस्तो बताएका हुन् ।
पहाडबाट तराईमा बसाई सर्ने प्रवृत्ति अत्याधिक रहेकोले त्यसलाई रोक्ने गरी योजनाहरू बनाएर कार्यान्वयन गर्नुपर्ने उनको भनाइ छ ।
असन्तुलित बजेट वितरणलाई रोकेर समानुपातिक र कामयाबी बजेट बनाउनुपर्नेमा मुख्यमन्त्री कार्कीले जोड दिए ।
पहाडी क्षेत्रको जनजीवन सहज बनाउने रोजगारी सिर्जना गर्ने विषयलाई प्राथमिकता दिनुपर्नेमा जोड दिँदै मुख्यमन्त्री कार्कीले भने, ‘हामी जति लगानी गरेर योजनाका काम गर्छौं । हाम्रा लक्ष्य र उद्देश्य पूरा हुनुपर्ने बताउनुभयो । हामीले लगानी गरेका कामहरूबाट आम्दानी समेत हुनेगरी योजना बनायौं भने प्रदेशको आर्थिक स्रोत पनि बलियो हुनेछ ।’
