विराटनगर । विराटनगरमा जारी प्रथम संस्करणको कोशी प्रदेश खेलकुद महोत्सवमा डोरीतान प्रतियोगिताको उपाधि झापाले जितेको छ । मंगलबार भएको स्पर्धामा सोलुखुम्बुलाई हराउँदै झापाले उपाधि जितेको हो ।
विजेता तथा उपविजेताले क्रमशः ५० हजार र २५ हजार रुपैयाँका साथ ट्रफी, मेडल र प्रमाणपत्र प्राप्त गरेका थिए । उनीहरूलाई कोशी प्रदेश खेलकुद विकास बोर्डका सदस्यसचिव कृष्ण बस्नेत ‘पर्शुराम’ र उपाध्यक्ष बिन्दिया कार्कीले पुरस्कृत गरेका थिए ।
डाेरीतानमा प्रदेशको ११ वटा जिल्लाको सहभागिता रहेको थियो ।
