विराटनगर : कोशी प्रदेश खेलकुद महोत्सवको पहिलो दिन एथलेटिक्स विधाअन्तर्गत पुरुष १०० मिटर दौडमा सुजन मण्डल पहिलो भएका छन् ।
मंगलबार विराटनगरस्थित सहिद रंगशालाको मैदानमा भएको १०० मिटर दौड ११.४० सेकेण्डमा पूरा गर्दै मण्डल प्रथम भए ।
पुरुष १०० मिटर दौडको दोस्रो स्थानमा सुमित गच्छदार रहे भने तेस्रो स्थानमा मोरङका सन्तोषकुमार सहनी रहन सफल भए ।
त्यस्तै, महिला १०० मिटर दौडको पहिलो स्थानमा मोरङकी बिनिसा रिजाल प्रथम भइन् ।
रिजालले दौड १३ ४० सेकेण्डमा पूरा गर्नु भएको थियो ।
महिला १०० मिटर दौडको दोस्रो स्थानमा रहिन् भएको सुनसरीको आरती चौधरीले १४.५० र तेस्रो स्थानमा ईलामकी रश्मी राईले १४.६० सेकेण्डमा दौड पूरा गरेको एथलेटिक्स खेल संयोजक थलु राजभण्डारीले जानकारी दिए ।
