विराटनगर । साहित्यकार राधा भट्टराईलाई लक्ष्मी उप्रेती व्यक्तित्व वर्ष पुरस्कार प्रतिष्ठान विराटनगरले पुरस्कृत गरेको छ ।
विराटनगरमा आइतबार एक कार्यक्रमको आयोजना गर्दै प्रतिष्ठानले भट्टराईलाई साहित्यतर्फको पुरस्कार प्रदान गरिएको हो ।
विभिन्न ६ वटा कृतिका लेखक भट्टराईलाई १० हजार १ सय रुपैयाँ नगदसहित पुरस्कृत गरिएको छ ।
कार्यक्रममा साहित्यकार भट्टराईको जीवनीमाथि साहित्यकार प्रतिमा निरौलाले प्रकाश पारिन् ।
पुरस्कार प्रदान गर्दै कार्यक्रमका प्रमुख अतिथि प्राज्ञ कविराज न्यौपानेले साहित्यक्षेत्र राज्यको प्राथमिकता नपरे पनि समुदायस्तरमा गठन भएका प्रतिष्ठानहरूले साहित्यका जगेर्ना गरिरहेको बताए ।
प्रतिष्ठानकी अध्यक्ष समिना पोख्रेलको सभापतित्वमा भएको कार्यक्रममा चेतना प्रतिष्ठानका अध्यक्ष प्राज्ञ गंगा सुवेदी र सम्मानित साहित्यकार भट्टराईलगायतले बोलेका थिए ।
