विराटनगर । नेपाली कांग्रेसका महामन्त्री गगन थापाले स्वाधीनताको सम्बन्धमा कुनै सम्झौता नहुने बताएका छन् ।
कोशी प्रदेशको राजधानी विराटनगरमा शुक्रबार नेपाली काङ्ग्रेस सूचना तथा प्रचार विभागको आयोजनामा भएको ‘राष्ट्र निर्माणमा युवाको योगदान, तथ्यमा आधारित प्रचार अभियान’को उद्घाटन गर्दै महामन्त्री थापाले यस्तो बताएका हुन् ।
महामन्त्री थापाले कांग्रेसले देशको महत्त्वपूर्ण निर्णयमा नेतृत्व गरेको इतिहास संस्मरण गर्दै काङ्ग्रेसलाई अब राष्ट्रिय पार्टी र मतले मात्र नहुने उल्लेख गरे ।
काङ्ग्रेस देशको राजनीतिमा जिम्मेवार हुनुपर्ने समय आएकोले सोही अनुसार सम्हाल्ने र मिलाउने भूमिकामा कांग्रेस रहनु पर्ने उनको भनाइ थियो।
