विराटनगर । स्पेनिस क्बल रियल मड्रिडले युरोपको सबैभन्दा ठुलो क्बल फुटबल प्रतियोगिता च्याम्पियन्स लिगको प्लेअफमा स्थान पक्का गरेको छ ।
साल्जबर्गविरुद्ध ५–१ गोलको जित निकाल्दै रियलले च्याम्पियन्स लिगको प्लेअफमा स्थान पक्का गरेको हो ।
रियलको जितमा भिनिसियस जुनियर र रोड्रिगोले दुई-दुई गोल गरे भने किलियन एम्बाप्पेले एक गोल गरे ।
भिनिसियसले खेलमा ९९औं र १००औं गोल गर्दै आफ्नो कीर्तिमान पूरा गरे । च्याम्पियन्स लिगमा भिनिसियसले २८ गोल गरिसकेका छन्, जसले उनलाई ब्राजिलियन शीर्ष गोलकर्ताको सूचीमा तेस्रो स्थानमा पुर्याएको छ।
नेयमार ४३ गोलसहित शीर्ष स्थानमा छन् भने काका ३० गोलसहित दोस्रो स्थानमा छन् ।
तर, रियलका अनुसार भिनिसियसले क्लबका लागि १०१ गोल गरेका छन् । यो फरक मतको कारण एक ला लिगा गोललाई लिएर हो, जसलाई धेरैले आत्मघाती गोल मान्छन् ।
रियल च्याम्पियन्स लिगको १५ पटकको कीर्तिमानी च्याम्पियन हो ।
यसपटकको नयाँ फर्म्याटमा सुरुआती ६ खेलमध्ये तीन खेल गुमाउँदै प्रतियोगिताबाट बाहिरिने जोखिममा थियो ।
उनी म्यान अफ द म्याच घोषित भए।
यो जितसँगै रियल ३६ टोलीको लिग चरणमा १६औं स्थानमा पुगेको छ ।
रोड्रिगोले रियलका लागि दुई गोल थपे भने साल्जबर्गका गोलकिपर जानिस ब्लासविचको गल्तीको फाइदा उठाउँदै किलियन एमबाप्पेले अर्को गोल गरे ।
रोड्रिगोले पछिल्ला चार खेलमा पाँच गोल गरेका छन् भने भिनिसियसले दुई खेलमा तीन गोल गरेका छन् । एमबाप्पेले पनि पछिल्ला चार खेलमा पाँच गोल गरेका छन् ।
जुड बेलिङ्घमले भिनिसियसको एक गोलका लागि उत्कृष्ट ब्याक–हिल पास दिएका थिए ।
तर, उनी ६४औं मिनेटमा पिठ्युँको चोटका कारण मैदान छाड्न बाध्य भए । प्रशिक्षक एन्सेलोटीका अनुसार उनको चोट गम्भीर छैन ।
रियलले आफ्नो अर्को खेल फ्रान्सेली क्लब ब्रेस्टसँग खेल्नेछ ।
