विराटनगर । कोशी प्रदेशका पूर्वमुख्यमन्त्री तथा नेपाली कांग्रेस संसदीय दलका नेता उद्धव थापामाथि गृहजिल्ला झापामा आक्रमण भएको छ ।
थापामाथि झापाको कनकाईस्थित जामुनबारी चोकमा शनिबार साँझ आक्रमण भएको हो ।
आक्रमणमा संलग्न विद्युत प्राधिकरणका चालकसहित दुई जनालाई प्रहरीले नियन्त्रणमा लिएको छ ।
भिआइपी सवार गाडीलाई साइड नदिएको र भिआइपी भनेर चिनेपछि आक्रमण गरेको कांग्रेसले बताएको छ ।
थापाको देब्रे आँखाको माथिल्लो भागमा चोट लागेको छ ।
उनको बिर्ता सिटी हस्पिटल बिर्तामोडमा उपचार भइरहेको कांग्रेस झापाले जनाएको छ ।
थापाले नागरिकको ज्यानको सुरक्षामा गम्भीर हुन सरकारको ध्यानाकर्षण गराएका छन् ।
यो घटनाले जिल्लाको शान्ति सुरक्षा कस्तो रहेछ भनेर छर्लङ्ग भएको उनको भनाइ छ ।
थापा नेपाल प्रेस युनियन झापाको कार्यक्रमबाट फर्कने क्रममा आक्रमणमा परेका हुन् ।
