विराटनगर । पजल (पहेली) र जादुप्रति आकर्षित हुने बालबालिका अधिक बुद्धिमानी हुने अध्ययनले देखाएको छ ।
जोन्स हप्किन्स विश्वविद्यालयका वैज्ञानिकले गरेको अनुसन्धानअनुसार कुनै पनि कुरा वा विषय बुझ्ने जिज्ञासाले बालबालिकालाई अधिक बुद्धिमानी बनाउन सक्छ ।
बालबालिकामा जिज्ञासाको स्तर बुझ्नका लागि वैज्ञानिकहरूले ११ महिना र सोभन्दा माथि उमेरका ६५ जना बालबालिकामा अनुसन्धान गरेका थिए ।
वैज्ञानिकका अनुसार ध्यानपूर्वक कुनै खास चाल हेर्ने अर्थात् पानीमा खेलौना तैरिरहेको हेर्ने वा भित्ताबाट पार गर्ने बलप्रति बढी उत्सुक भएर हेर्ने बालबालिकाहरू अन्यको तुलनामा अधिक बुद्धिमान हुन्छन् ।
तर, बालबालिकाले जादू गर्ने युक्तिहरू देखेर विकसित हुने कौतुहलताले बालबालिका कति कुरा बुझ्न चाहन्छन् भनेर बताउने अन्वेषक लिसा फिजेसन बताउँछिन् ।
मनोविज्ञ जैस्मिन पेरेजका अनुसार बालबालिकाको जिज्ञासाको स्तरले उनीहरू पढाइमा कस्ता हुन्छन् भन्ने कुरा बताउँछ । अनुसन्धानको तीन वर्षमा यस्ता बालबालिका केही पनि कुरा सिक्न विशेष रूपले तयार हुने देखिएको छ ।
-भास्कर डक कमबाट
