विराटनगर । नेपाल प्रिमियर लिग (एनपिएल) आबद्ध विराटनगर किंग्सले मंगलबार (आज) जर्सी सार्वजनिक गर्दै छ ।
विराटनगरस्थित होटल स्वागतममा आज साँझ कोशी प्रदेश सरकारका मुख्यमन्त्री हिक्मतकुमार कार्की, मार्की खेलाडी सन्दीप लामिछाने, गुडविल एम्बासडर दयाहाङ राईलगायतले जर्सी सार्वजनिक गर्दै छ ।
यही मंसिर १६ गतेदेखि काठमाडौंमा हुने एनपिएलअन्तर्गत उद्घाटन खेलमा विराटनगर किंग्सले जनकपुर बोल्ट्ससँग खेल्ने छ ।
नेपाल क्रिकेट संघ (क्यान) ले सोमबार सार्वजनिक गरेको खेल तालिकाअनुसार १५ मंसिरमा विराटनगरले दिउँसो १२ः१५ बजे जनकपुरको सामना गर्नेछ ।
१६ मंसिरमा उपनिर्वाचन भएका कारण क्यानले कुनै पनि खेल समावेश गरेको छ । ६ पुसम्म चल्ने एनपिएलमा आठ फ्रेन्चाइज टोली छन् ।
खेल तालिकाअनुसार पहिलो क्वालिफायर र इलिमिनेटर खेल ३ पुसमा हुनेछ ।
पहिलो क्वालिफायरमा लिगको शीर्ष स्थानमा रहेको टोली तथा दोस्रो स्थानको टोलीबिचमा प्रतिस्पर्धा हुन्छ ।
यस खेलमा विजेता टोलीले फाइनल स्थान बनाउनेछ ।
पराजित टोलीले फाइनल प्रवेशको फेरि मौका पाउने क्यानले जनाएको छ ।
४ पुसमा इलिमिनेटर हुने खेलमा हुनेछ ।
यसमा तेस्रो र चौथो स्थानमा रहने टोलीबिच खेल हुन्छ ।
पराजित टोली प्रतियोगिताबाट बाहिरिँदा विजयी टोलीले दोस्रो क्वालिफायरमा स्थान बनाउनेछ ।
सन्दीप लामिछाने मार्की खेलाडी रहेको विराटनगरमा आयरल्याण्डका केभिन ओ’ब्रायन प्रशिक्षक छन् ।
