विराटनगर । मोरङको विराटनगरमा आइतबार (आज) देखि सुरु भएको फुटसल लिगमा स्टार ब्वाइज, एबी फाइभ र अपटाउन एफसीले जित हात पारेका छन् ।
विराटनगरस्थित जाम्बुरे नेक्सस लञ्जमा भएको आजको पहिलो खेलमा स्टार ब्वाइजले क्लासिकोमाथि ४-२ ले जित हात पार्यो ।
यस्तै, दोस्रो खेलमा एबी फाइभले रियुनाइटेडविरुद्ध ७-१ गोलान्तरको फराकिलो जित निकाल्दा अर्को खेलमा अपटाउन एफसीले विराटनगर स्पोर्ट्स एकेडेमीलाई ३-० गोलले हरायो ।
फुटसल लिगमा ६ टोलीले प्रतिस्पर्धा गरिरहेका छन् ।
एबी फाइभ, रि-युनाइटेड एफसी, क्लासिको एफसी, स्टार ब्वाइज एफसी, विराटनगर स्पोर्ट्स एकेडेमी, अपटाउन एफसीको सहभागिता रहेको छ ।
होम एन्ड अवे फर्म्याटमा हुने लिगमा प्रत्येक टिमले एक-अर्कासँग दुइचोटी खेल्ने छन् ।
युवा खेलाडीको प्रतिभा प्रष्फोटन गर्न अनि उनीहरूको खेल कौसलमा बढोत्तरी गर्ने उद्देश्यका साथ लिग आयोजना गर्न लागिएको जाम्बोरे नेक्सस लन्जका सञ्चालक सुभाषिस कोइरालाले जानकारी दिए ।
विश्वस्तरीय फुटबलको अनुभूति गराउने लक्ष्यका साथ विराटनगर सिटी एफसी र जाम्बोरे नेक्सस लन्जले संयुक्त रूपमा लिगको आयोजना गरेको हो ।
