विराटनगर । वरिष्ठ पत्रकार किशोर नेपाललगायतले नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ र पूर्वराजा ज्ञानेन्द्र शाहबीच भेट भएको जनाएका थिए ।
पत्रकार नेपालले पूर्वराजा ज्ञानेन्द्रसँग प्रचण्डको भेटवार्ता भएको भन्दै सामाजिक सञ्जालमा राखेपछि यो खबर व्यापक फैलिएको थियो ।
तर, माओवादी अध्यक्ष तथा पूर्वप्रधानमन्त्री प्रचण्डले पूर्वराजासँग भेट गरेको समाचार झुटो भएको उनको सचिवालयले जनाएको छ ।
प्रचण्डले पूर्वराजासँग भेटवार्ता गरेको दाबीसहित सामाजिक सञ्जालमा व्यापक फैलिएपछि प्रचण्डको सचिवालयले यस्तो स्पष्टीकरण दिएको हो ।
प्रचण्डका स्वकीय सचिव रमेश मल्लले प्रचण्ड-पूर्वराजाको भेटवार्ताको समाचार हल्ला‚ कपोलकल्पित र झुटमात्र भएको बताए ।
आफ्नो पार्टी सकिएर गए पनि पूर्वराजासँग भेटवार्ता नगर्ने प्रचण्डले बताएको सचिवालयले जनाएको छ ।
माओवादीलाई कमजोर बनाउन प्रायोजित तवरबाट कसैले यस्तो कपोलकल्पित हल्ला फैलाएको स्वकीय सचिव मल्लको आरोप छ ।
गणतन्त्रका लागि लडेको माओवादीले ज्ञानेन्द्रसँग भेटवार्ता गरेर देशमा फेरि राजतन्त्र ल्याउन माओवादी तयार हुनु बुझिने उनको भनाइ थियो ।
उनले यस्ता कपोलकल्पित प्रायोजित हल्लाको पछि नलाग्न पनि आग्रह गरे ।
