विराटनगर । ब्रेन स्ट्रोकबाट जगिनका लागि यसको लक्षणमा ध्यान दिन जरुरी हुन्छ ।
ब्रेन स्ट्रोक हुनुभन्दा १० वर्षअगाडि नै यसको लक्षण देखिने नयाँ अनुसन्धानले पत्ता लगाएको छ ।
नेदरल्यान्ड्सको एरमसस युनिभर्सिटीका वैज्ञानिकका अनुसार स्मरणशक्तिमा कमी आउने तथा दैनिक गरिरहेको कामको क्षमता घट्ने जस्ता लक्षण ब्रेन स्ट्रोकको सङ्केत हुनसक्छ ।
अनुसन्धानमा १४ हजारभन्दा बढी मानिसलाई समावेश गरिएको थियो ।
२८ वर्षसम्म भएको अनुसन्धानका क्रममा उनीहरूको शारीरिक र मानसिक जाँच गरिएको थियो ।
यसबाहेक मेमोरी टेस्ट, लुगा धुने, खाना पकाउनेजस्ता दैनिक गरिने गतिविधिको पनि जाँच गरिएको थियो ।
अनुसन्धानका अनुसार १६ सय ६२ जनामा एक पटक ब्रेन स्ट्रोकको समस्या देखाएको थियो ।
उनीहरूमध्ये औसत उमेर ८० वर्ष थियो र ६० प्रतिशत महिला रहेका थिए ।
अल्जाइमरको जिनसँग जोडिएका र कम पढेलेखेका महिलामा स्ट्रोकको जोखिम बढी हुने अध्ययनले देखाएको हो ।
अन्वेषक डा. एलिस हेसुमउल्लाका अनुसार दैनिक गर्ने कामको क्षमता घट्ने, मस्तिष्कको स्वस्थ्यमा समस्या देखिए स्ट्रोक हुने संकेत हुन् ।
यसका साथै दिमागका नसाको बिरामी, मानसिक तथा सुन्निने समस्या भएका बिरामीमा पनि स्ट्रोकको जोखिम बढी हुन्छ ।
अनुसन्धानमा यस्ता लक्षण देखिए लाइफस्टाइलमा परिवर्तन, औषधिको सेवन तथा खानपानमा सुधार गर्नुपर्ने हुन्छ ।
