विराटनगर । स्पेनिस ला लिगामा साविक विजेता रियल मड्रिडले आफ्नो अपराजित यात्रालाई कायमै राखेको छ ।
रियलले शनिबार राति घरेलु मैदान सान्टियागो बर्नाबाउमा भएको खेलमा भिल्लारियललाई २-० गोलले हराएको हो ।
घरेलु टोलीको जितमा फेडेरिको भाल्भेर्डे र भिनिसियस जुनियरले गोल गरे ।
खेलको १४औं मिनेटमा भाल्भेर्डेले गोल गर्दै रियललाई सुरुआती अग्रता दिलाएका थिए ।
७३औं मिनेटमा भिनिसियसले गोल गर्दै रियललाई २-० गोलले जिताए ।
जारी सिजनमा अपराजित रियलले तीन बराबरी खेलेको छ ।
रियल नौ खेलबाट २१ अंकसहित तालिकाको दोस्रो स्थानमा छ । एक खेल कम खेलेको बार्सिलोना समान अंकसहित शीर्ष स्थानमा छ ।
