विराटनगर । कपालमा रङ लगाएर आफूलाई नयाँ लुक दिनु धेरैजसो मानिसलाई मन पर्छ ।
तर, कपालमा रङ लगाउनु वा कपाललाई ब्लिच गर्नाले कपाललाई नोक्सान पुर्याउनुका साथै केही साइड इफेक्ट पनि देखाउन सक्छ ।
एकटपक मात्र रंगाएको भएपनि यसले कपाललाई क्षति पुर्याउँछ ।
कपाल अधिक तेलीय हुने तथा हावा, फोहोर र हानिकारक युभी किरणले कपाललाई सुक्खा बनाउने, फुरुङ हुने र सुस्त बनाउन सक्छ ।
जसकारण कपाल झर्ने, कपाल टुक्रिने, कपालमा हांगा फाटिनेलगायतका समस्या हुन हुन्छ ।
रंगाएको कारण कपालको वृद्धि हुने प्रक्रियामा, पनि ढिलो हुन्छ वा रोकिन पनि सक्छ ।
कपाल ब्लीच गरेपछि कपालले आफ्नो ओस गुमाउँछ र त्यसपछि प्रोटिन सन्तुलन कायम गर्न गाह्रो हुन्छ ।
जसले कपाललाई थप क्षतिप्रति संवेदनशील बनाउँछ ।
कपाल ब्लिचिङ गर्नु वा रंगाउनु भनेको कपालमा कडा रसायनको प्रयोग गर्नु हो ।
यसले कपालमा मात्र नभएर स्क्याल्पमा पनि चोट पुर्याउन सक्छ ।
पोलेको, चिलाउनेलगायतका समस्या रहन सक्छ ।
यो सबै ब्लिचिङ उत्पादनमा उपस्थित हुने रसायनको कारणले हो । कपाललाई रंगाएपछि कपाल डिसकलर हुने एक प्रमुख साइड इफेक्ट हो ।
घरमा कपालमा ब्लिच वा रङ लगाएमा वा रङलाई सही अनुपातमा मिलाउन नसकेमा कपालको कलर कहीँ धेरै त कहीँ थोरै लाग्ने हुन्छ, जसले नराम्रो देखाउन सक्छ ।
