विराटनगर । दम (अस्थमा) श्वासप्रश्वाससम्बन्धी देखिने समस्यामध्ये एक हो ।
दमको समस्या भएको व्यक्तिको श्वासनली र वरिपरिको मार्ग साँघुरो भई सुन्निएको हुन्छ ।
फोक्सोमा हावा जान कठिनाइ हुने कारणले सास फेर्न गाह्रो हुन्छ ।
दमको समस्या भएका मानिसलाई सास फेर्न गाह्रो हुने, खोकी, स्वाँस्वाँ हुने, घ्यारघ्यार हुने, सास फेर्दा सिटी बजेको जस्तो आवाज आउने, छातीमा दवाव परेको जस्तो अनुभव हुनेजस्ता लक्षण देखापर्ने हुन्छ ।
चिसो, वा एलर्जीको कारण दमको समस्या भएका मानिसलाई थप गाह्रो हुन सक्छ ।
तर, रातको समयमा दम बढ्नसक्ने कारण खोक्दा वा सास फेर्न असमर्थ हुनुले निन्द्रामा डिस्टर्ब गर्छ ।
दमको रोग भएका सबैलाई रातको समयमा गाह्रो अनुभव हुन्छ भन्ने हुँदैन, तर धेरैलाई रातिको समयमा दमले सताउने हुन्छ ।
दमको लगभग ३० देखि ७० प्रतिशत व्यक्तिमा रातको समयमा दमको अनुभव गर्छन्, वा रातमा दमको लक्षणहरू बढ्दै जाने हुनसक्छ ।
सुत्ने खाटमा हुनसक्ने एलर्जी निम्त्याउने कारक (धुलो, जनावरको रौँ वा छाला, कुरा आदि) ले पनि सुत्ने समयमा वा रातमा दमको समस्यालाई भड्काउन सक्छ ।
साथै, कोही मानिसलाई एलर्जी भएको समयमा भन्दा केही घण्टापछि प्रतिक्रिया देखाउने हुँदा दिउँसो वा साँझमा एलर्जी भएमा राति सुत्ने समयमा असर पुग्न सक्छ ।
ओछ्यानमा पल्टँदा पेटको एसिडलाई मुखतिर यात्रा गर्न सजिलो हुन्छ ।
केही तरल पदार्थ ठूलो वायुमार्गमा प्रवेश गर्न सक्छ र खोकी उत्पन्न गराउँन सक्छ ।
पेटको एसिडले वायुमार्गलाई सीमित गर्नसक्ने हुँदा यसले सास फेर्न गाह्रो बनाउँछ ।
त्यस्तै, सीधा पल्टँदा नाकको पदार्थ घाँटीमा झर्ने हुँदा यसले पनि खोकी निम्त्याउन सक्छ ।
सुत्ने बेलामा फोक्सोको कार्यमा परिवर्तन आउँदा पनि रातको समयमा दम रोगीलाई गाह्रो हुनसक्छ ।
दमको औषधिले रातको समयमा प्रभावकारिता गुमाउने हुँदा रातको समयमा दमको अनुभव गर्न सकिन्छ ।
साथै, तनावका कारण पनि रातको समयमा दमको समस्या बढ्ने वा दम रोगीलाई गाह्रो हुनसक्छ ।
दमको कारण राति निन्द्राको बीचमा उठ्नुपरेमा आफ्नो इनहेलर प्रयोग गर्नुपर्छ ।
दमको समस्या भएकाले आफ्नो इनहेलरलाई आफू नजिक नै राख्नु उचित हुन्छ ।
सीधा पल्टिनुभन्दा पनि सुताइको पोजिसन मिलाउनाले पनि सहयोग गर्न सक्छ ।
अत्यधिक खोकी लागेको केही व्यक्तिलाई पानी पिउँदा पनि राहत भएको हुनसक्छ ।
नियमित रूपमा रातिको समयमा दमका लक्षण अनुभव हुन थालेमा चिकित्सकसँग यस समस्याको बारेमा कुरा गर्नुपर्छ ।
